[購買] 本地 印象交易所 x 麥子啤酒 飲酒思源 水塘手工啤｜城門。菠蘿

五個水塘，五處地方，五隻味道，五段故事，五種今昔

大潭，香港島，經典Pale Ale 手工啤

萬宜，泛九東，海鹽味手工啤

城門，泛九西，菠蘿味手工啤

船灣，新界東，白蘭花味手工啤

河背，新界西，烘焙米味手工啤

立於香港之巔大帽山腰、位處全港正中心點，城門水塘，一個字，堅！佢係第一座喺新界地區興建嘅水塘，但就供水俾港九。係呀，由大帽山供水去獅山下嘅新九龍、同太平山腳嘅維城，所以香港第一條跨海輸水管嘅興建都同佢嘅規劃有關。而基於佢位處中心，上下城門水塘亦區分咗新界東西。同時，佢仲係少數正式擁有兩個名嘅水塘：又名銀禧水塘，因為佢1935年落成，記念英王佐治五世登基廿五年。Last but not least，城門，係香港戰前最後一個興建嘅水塘，亦係香港保衛戰、醉酒灣防線嘅最前線。

頂峰之下，作為城門，守護獅子，守住太平。印象交易所，希望成為一個交易所有關於香港印象嘅產品、一個香港製造嘅平台，將海馬體變成實體，將今日留低。印象就係客觀事物刺激你嘅感官後，喺腦入面嘅海馬體留低嘅記憶。印象，可以深、可以淺，可能隨住時間變得模糊，不知不覺消失得無影無蹤。為咗保留甚至延續呢啲屬於我哋香港人嘅印象，我哋想將日常所見所感、融入生活百物之中，留低屬於呢個地方、呢個時代嘅生活、文化同記憶。

印象，其實唔係過去式，而係現在進行式。