[購買] 本地 印象交易所 香港有格 珪藻土吸水杯墊 ｜獅子山下的根源

京都有竹園，香港都有竹園。而香港呢個，同樣畀群山包圍，就喺啟德以北，獅子山以南。而呢一帶，就係時代嘅根源。

唔講你可能唔知，竹，其實係好難搞嘅一樣生物：因為佢根淺，但連綿不斷。所以以農為本嘅，成日都想杜絶竹根。

// 唔係咁易㗎葉師傅 //

竹園今日已經冇咩人叫，路過嘅大概只會識黃大仙。唔緊要吖，稱呼可以變，但頭上嘅山唔會，腳下嘅根都唔會。正如時間流逝，洗刷印象，但自己友，生於呢個地方，長於嘅個地方，感情同認同，都足以抵禦現實巨輪嘅輾壓。

// 同舟人誓相隨，無畏更無懼 //

竹唔會完，因為連綿不斷；山下離散，總會有日再聚。

因為我哋都係同一個地方大嘅。

// Love will find a way, anywhere we go. We’re home if we are there together //

無論身處何方，記得根喺邊度，就夠。

印象交易所，希望成為一個交易所有關於香港印象嘅產品、一個香港製造嘅平台，將海馬體變成實體，將今日留低。印象就係客觀事物刺激你嘅感官後，喺腦入面嘅海馬體留低嘅記憶。印象，可以深、可以淺，可能隨住時間變得模糊，不知不覺消失得無影無蹤。為咗保留甚至延續呢啲屬於我哋香港人嘅印象，我哋想將日常所見所感、融入生活百物之中，留低屬於呢個地方、呢個時代嘅生活、文化同記憶。

印象，其實唔係過去式，而係現在進行式。