[購買] 本地 印象交易所 x 麥子啤酒 飲酒思源 水塘手工啤｜大潭。經典麥芽

五個水塘，五處地方，五隻味道，五段故事，五種今昔

大潭，香港島，經典Pale Ale 手工啤

萬宜，泛九東，海鹽味手工啤

城門，泛九西，菠蘿味手工啤

船灣，新界東，白蘭花味手工啤

河背，新界西，烘焙米味手工啤

由1841到維城建立，由四環九約到港九新界，由香港製造到金融中心，一切嘅開端，都係源自維港南岸嘅小島。

而百幾年嚟，將小小漁村，孕育成國際都會，一直支撐住小島嘅泉源又係乜嘢？

所謂經典，就係見證轉變，歷久不衰。正如Pale Ale，正如大潭。

印象交易所，希望成為一個交易所有關於香港印象嘅產品、一個香港製造嘅平台，將海馬體變成實體，將今日留低。印象就係客觀事物刺激你嘅感官後，喺腦入面嘅海馬體留低嘅記憶。印象，可以深、可以淺，可能隨住時間變得模糊，不知不覺消失得無影無蹤。為咗保留甚至延續呢啲屬於我哋香港人嘅印象，我哋想將日常所見所感、融入生活百物之中，留低屬於呢個地方、呢個時代嘅生活、文化同記憶。

印象，其實唔係過去式，而係現在進行式。