夏天進行戶外活動大家都出盡法寶滅蚊，用UV滅蚊燈誘捕蚊蟲絕對唔係好新鮮事，而近日更有營友帶便攜式的滅蚊燈，露營的時候係戶外使用。到底滅蚊燈Work唔Work？就等我哋一齊睇下。   非所有蚊趨光 透捕蚊蟲的方法有很多種，包括理用氣味、光線、二氧化碳濃度等來吸引蚊蟻飛近。而滅蚊燈的原理是理用蚊蟲的趨光性，以UV燈來吸引蚊子飛近，再以電網將蚊子電死。可是並非所有蚊子都有明顯的趨光性，雖然可傳播日本腦炎的病媒三帶喙庫蚊有較明顯的趨光性，但登革熱的病媒白紋伊蚊和埃及伊蚊 ；及絲蟲病的病媒致倦庫蚊等種類都沒有明顯的趨光性，UV滅蚊燈對牠們的作用有限。 有殺錯無放過 除了蚊子之外，其實還有很多昆蚊都有趨光性。根據消委會於2004年對市面上9款滅蚊燈作出之測試報告指出，除了蚊之外，滅蚊燈還會透捕大量其他昆蟲，包括：蜜蜂、甲蟲、蛾、螞蟻等等。如果於市區、室內，或營帳內使用滅蚊燈還可接受，但如果在郊野戶外使用，可能會造成大量其他昆蟲無辜被殺，亦會對自然生態造成影響。 人體比滅蚊燈吸引 到底在人體與滅蚊燈之間，蚊子會選擇飛向人體還是滅蚊燈？滅蚊燈對蚊子是否有足夠吸引力？消委會的報告同時指出，蚊子主要靠二氧化碳、溫度及氣味來尋找覓食對象。因此，在人體和滅蚊燈之間，蚊子較大機會飛向人體。 ​ 結論：非萬全之策，避免戶外使用 總括而言，滅蚊燈有一定的滅蚊功效，但並非對所有蚊子都有效。使用滅蚊燈的同時應考慮穿着長袖衫褲，或採取其他防蚊措施。此外，為避免錯誤殺害其他昆蟲，應盡量避免在野外環境及戶外使用滅蚊燈，否則將可能造成生態災難。

  夏天上山下海為免曬到變碳，好多人都會選擇搽防曬。但係香港人慣用的化學防曬，其實會破壞海洋生態。因為化學防曬的有效成份羥苯甲酮和甲氧基肉桂酸辛酯會傷害珊瑚，以及令珊瑚白化，珊瑚白化間接令唔少海洋生物失去棲息之處。為了保護自然生態，大家可以選用海洋友善的物理防曬。物理防曬的有效成份二氧化鈦及氧化鋅能夠將陽光反射及散射，從而保護皮膚。     山問出售的物理防曬由香港手工環保品牌SHSHK提供，而且仲歡迎大家自備容器，到店內裸買。本店亦有提供樽仔，每個樽仔按樽費用$1，鼓勵大家重用包裝。    

  Snowline的露營枱為營友所熱捧，相信唔需要多介紹了，而Family Table L6的枱面尺寸達97 x 51 cm，能夠滿足家庭需要，成班friend一齊用都冇問題。今次店長親自示範SN Cube Family Table L6的使用方法，千祈唔好錯過！   使用方法： 1. 打開主支架。 2. 安放金屬枱面。 3. 安裝網架。 4. 安裝燈杆。

夏日炎炎去露營最緊要有把靚風扇，如果唔係真係成晚唔使瞓 ！近日韓國品牌Claymore的多用途戶外風扇V600+深受營友愛戴，連用開血滴子的小編都諗梗要唔要轉會。都係個句：為免買錯，要試清楚。所以小編決定實測兩把風扇的各項功能，等各位用家可以考慮清楚。 一把好風扇最緊要風力夠勁，小編以風速計量度兩把風扇的風力，30 cm外的測試數字血滴子為1.8 m/s，Claymore V600+為2.8 m/s，Claymore V600+略勝一籌。風扇除咗要夠勁，仲要夠靜，咁先適合瞓覺的時候用，但係要兩者兼得並唔容易。血滴子和Claymore V600+兩者係靜音方面都表演出色，而數據上，Claymore V600+稍勝。 使用方面，Claymore V600+為吊扇及自立兩用，配備一支輕便三腳架，即使係金仔營用家，用唔到吊扇都可以考慮Claymore。自立式設計方便搬位，可以去到邊涼到邊。另外，Claymore的充電時間只需4小時，比起血滴子的16小時大大減少。 結論：Claymore V600+各項主要性能都稍勝血滴子，但在重量、尺寸及價格方面就輸一大截。即使受到Claymore V600+的挑戰，小編認為血滴子依然有一定吸引力。